Залилангаас хэрхэн сэргийлэх вэ?
Yiwu Лавлах нь зөвхөн Yiwu хотын дэлгүүрүүдийн холбоо барих мэдээллийг цуглуулж өгдөг лавлах үйлчилгээ юм. Бид дэлгүүрүүдийн төлөөлөгч, зууч биш бөгөөд тэдэнтэй хийсэн аливаа гүйлгээг хариуцахгүй.
⚠️ Заавал анхаарна уу
- Бид зөвхөн дэлгүүрийн холбоо барих мэдээллийг өгнө. Дэлгүүртэй хийх цаашдын харилцаа, үнэ тохиролцоо, төлбөр, барааны чанар, хүргэлтийг бид хариуцахгүй.
- Энд байгаа дэлгүүрүүд баталгаажсан гэсэн үг биш. Мөнгө шилжүүлэхээс өмнө тухайн дэлгүүр жинхэнэ эсэхийг маш сайн нягталж үзнэ үү.
- Yiwu хотын зууч хүмүүсээр дамжуулан бараа авахуулахдаа болгоомжтой байгаарай. Мөнгө аваад алга болох, үнэ хөөрөгдөх, чанаргүй бараагаар солих зэрэг залилан түгээмэл гардаг. Эрсдэлээс сэргийлэхийн тулд Yiwu хотоос явдаг баталгаатай карго-гоор дамжуулан худалдан авалтаа баталгаажуулах, эсвэл зуучлал хийдэг Өвөр Монгол хүмүүс-тэй хамтран ажиллахыг зөвлөж байна.
Дэлгүүртэй харилцахаас өмнө
- Видео дуудлага хий. WeChat-аар видео дуудлага хийж, дэлгүүр, агуулах, бараагаа шууд харуулахыг хүс.
- Бизнесийн гэрчилгээг (营业执照) хүс. Компанийн нэр, хаяг нь WeChat дээрх мэдээлэлтэй таарч байгаа эсэхийг шалга.
- Дэлгүүрийн байршлыг тодруул. Yiwu International Trade City (义乌国际商贸城)-ийн аль District, давхар, мухлагийн дугаартай болохыг асууж, боломжтой бол биечлэн оч.
- Эхлээд жижиг захиалга / дээж (sample) ав. Анхны удаад их хэмжээний мөнгө бүү шилжүүл.
- Бүх тохиролцоог бичгээр үлдээ. Үнэ, тоо ширхэг, чанар, хүргэх хугацааг чат эсвэл гэрээгээр баталгаажуул, скриншот хадгал.
Төлбөр шилжүүлэхдээ
- Компанийн дансанд шилжүүлэхийг хичээ. Хамааралгүй хувь хүний дансанд шилжүүлэхийг шаардвал сэжиглэ.
- "Данс солигдсон" гэсэн мессежид бүү итгэ. Энэ бол хамгийн түгээмэл залилан. Дуудлагаар дахин баталгаажуул.
- Хэт хямд үнэ, "өнөөдөр л энэ үнэ" гэх мэт яаруулсан шахалт нь аюулын дохио.
- Боломжтой бол бүх төлбөрийг нэг дор биш, хэсэгчлэн (урьдчилгаа + ачихын өмнө үлдэгдэл) хий.
Yiwu хотын зууч хүмүүсээр дамжуулахдаа
Хятад хэлгүй үед зууч хэрэгтэй байж болох ч хамгийн их залилан энд гардаг:
- Танихгүй, сошиал сүлжээгээр л олсон зуучид бүх мөнгөө урьдчилж бүү өг.
- Зууч бараа нийлүүлэгчийн жинхэнэ үнийг нууж, үнэ хөөрөгдөх, эсвэл хямд чанаргүй бараагаар солих тохиолдол олон.
- Нийлүүлэгчтэй өөрөө шууд холбогдож, үнийг нь давхар шалга — энэ сайтын гол зорилго ч энэ.
✅ Эрсдэлээс сэргийлэх 2 найдвартай арга
1. Yiwu хотоос явдаг баталгаатай карго сонгож, тэр каргогоороо дамжуулан худалдан авалтаа баталгаажуулах.
- Олон жил тогтвортой ажилласан, Монголд албан ёсны бүртгэлтэй, Yiwu-д өөрийн агуулахтай карго сонго.
- Ихэнх карго нь дэлгүүрээс барааг хүлээн авч, тоо ширхэг, гэмтлийг шалгаад, зарим нь төлбөрийг ч дамжуулж өгдөг. Ингэснээр та танихгүй хүнд шууд мөнгө шилжүүлэхгүй.
- Бараа хүлээн авсан, шалгасан тухай зураг, баримтыг каргогоос заавал авч бай.
2. Зуучлал хийдэг Өвөр Монгол хүмүүстэй хамтран ажиллах.
- Монгол, хятад хэл хоёуланг нь мэддэг тул дэлгүүртэй үнэ тохирох, барааг газар дээр нь шалгахад хялбар.
- Таньдаг, олон удаа хамтарч ажилласан хүмүүсийн санал болгосон, нэр хүнд нь тогтсон зуучийг сонго.
- Хөлс, үүргийг урьдчилан бичгээр тохирч, эхлээд жижиг захиалгаар туршиж үз.
Сэжигтэй дэлгүүр олвол
Telegram эсвэл yiwu.mongolia@gmail.com имэйлээр бидэнд мэдэгдээрэй. Бид шалгаад шаардлагатай бол жагсаалтаас хасна. Залилангийн хэрэгт өртсөн бол цагдаагийн байгууллагад хандана уу.